لاہور(سپورٹس ڈیسک) بھارت کے سابق ہیڈ کوچ روی شاستری نے کہا ہے کہ راہول ڈریوڈ بھارت کے ہیڈ کوچ کے طور پر ان کی جگہ لینے کیلئے صحیح شخص ہیں۔ انہوں نے کہا کہ ڈریوڈ سسٹم کے ذریعے ٹیم کے کوچ بنے اور میں باہر سے آیا تھا‘شاید خود سے زیادہ مستحق ہیں۔میرے بعدکوچنگ سنبھالنے کیلئے راہول سے بہتر کوئی شخص نہیں ۔ مجھے وہ کام غلطی سے مل گیا جو میں نے راہول کو بتایا۔ میں کمنٹری باکس میں تھا‘ مجھے وہاں جانے کو کہا گیا اور میں نے اپنا کام کیا۔ لیکن راہول ایسا لڑکا ہے جو سسٹم کے ذریعے آیا ہے، اس نے مشکل کام کیا ہے، وہ انڈر 19 ٹیم کا کوچ رہا ہے اور اس نے اس بھارتی ٹیم کو سنبھالا ہے اور مجھے لگتا ہے کہ جب ٹیم اس کا جواب دینا شروع کریگی تو وہ اس سے لطف اندوز ہوں گے۔