تفصیلات کے مطابق لاہور میں وزیراعظم کی زیر صدارت اجلاس ہوا ، جس میں ملک میں سرمایہ کاری کو فروغ دینے والے صنعتی اور برآمدادی شعبوں کے مسائل پر تبادلہ خیال کیا گیا۔
اس موقع پر وزیراعظم نے کہا کہ ملک کی معاشی بقاء کا انحصار صنعتی اور برآمدادی شعبے کے مسائل فوری حل کرنے پر ہے جس سے پاکستانی برآمدات کی عالمی منڈیوں تک رسائی میں مدد ملے گی۔
انہوں نے تاجر برادری کے نمائندوں کو ہدایت کی کہ وہ صنعتوں خصوصاً ٹیکسٹائل کے شعبے کو ترجیحی بنیادوں پر توانائی کی فراہمی سے متعلق مسائل پر تبادلہ خیال کے لئے متعلقہ وزیروں سے ملاقات کریں۔
