اسلام آباد (نمائندہ خصوصی)پاکستان پیپلز پارٹی نے انتخابی نشان" تلوار "اور پاکستان پیپلز پارٹی پارلیمنٹیرینز نے انتخابی نشان" تیر"الاٹ کرنے کی درخواستیں جمع کرادی ، پاکستان پیپلز پارٹی کے چیئرمین بلاول بھٹو زرداری کی جانب سے سیکرٹری جنرل پیپلز پارٹی سید نیئرحسین بخاری نے الیکشن کمیشن کو انتخابی نشان تلوار الاٹ کرنے کی درخوست جمع کرا دی ہے نیر بخاری نے درخواست میں کہا ہے کہ مجلس شوریٰ پارلیمنٹ صوبائی اسمبلیوں اور بلدیاتی اداروں کے انتخابات میں حصہ لینے کیلئے انتخابی نشان "تلوار" الاٹ کیاجائے انہوں نے یادہانی کروائی ہے کہ پاکستان پیپلز پارٹی کو قبل ازیں منعقدہ عام انتخابات میں بھی انتخابی نشان تلوار الاٹ ہوتا ا رہا ہے دریں اثناء پاکستان پیپلز پارٹی پارلیمنٹیرینز کے چیرمین آصف زرداری کی جانب سے سیکرٹری جنرل پاکستان پیپلز پارٹی پارلیمنٹیرینز فرحت اللہ بابر نے انتخابی نشان "تیر "الاٹ کرنے کی درخوست جمع کرا دی ہے فرحت اللہ بابر نے درخوست میں کہا ہے کہ پاکستان پیپلز پارٹی پارلیمنٹیرینز کو قبل ازیں منعقدہ عام انتخابات میں بھی انتخابی نشان تیر الاٹ ہوتا ا رہا ہے اسلئے پی پی پی پی کو آئندہ انتخابات میں بھی انتخابی نشان" تیر" الاٹ کیا جائے۔