جی او آ ر ون فیملی پارک کی تزئین و آرائش کاکام مکمل کر و ا دیا: ڈپٹی کمشنر حافظ آباد

حافظ آباد (نمائند ہ خصوصی)وزیر اعلیٰ پنجاب محسن رضا نقوی کی خصوصی ہدایت پر ڈپٹی کمشنر حافظ آباد عمر فارو ق وڑائچ نے جی او آ ر ون فیملی پارک کی بحالی،تزئین و آرائش کاکام مکمل کر و ا دیا جبکہ ڈسٹرکٹ کمپلیکس کے سامنے بڑا قومی پرچم بھی نصب کر دیا گیا۔شہر کی خوبصورتی اور تزئین و آرائش کے سلسلہ میں بائی پاس پر ڈسٹرکٹ آف رائس کا خوبصورت ماڈل بھی تیار کیا گیا ہے جبکہ فوارہ چوک میں دیوار حافظ آباد اور کلمہ چوک بنایا گیا ہے ۔ ڈپٹی کمشنر کاکہنا ہے کہ حکومت پنجاب کی ہدایت پر عوام کو سیرو تفریح کی سہولیات کیلئے شہر کے تمام فیملی، پبلک اور چلڈرن پارک کی بحالی اور تزئین و آرائش کا کام کیا جائیگا۔محلہ نصیر پورہ میں ثریا غفور پارک کی بحالی کا کام بھی شروع کر دیا گیا ہے ۔ انکاکہنا تھا کہ جی او آر ون کے فیملی پارک میں بچوں کیلئے جھولے،لائٹنگ، رنگ و روغن اور تزئین و آرائش کا دیگر کام مکمل کر لیا گیا ہے۔