چیئرمین گوجرانوالہ بزنس سنٹر کی وفد کےساتھ تیونس ایمبسیڈر برہان ایل کمال سے ملاقات 

گوجرانوالہ( نمائندہ خصوصی)چیئرمین گوجرانوالہ بزنس سنٹر احمد اکرام لون کی قیادت میں وفد کی ایمبسیڈر آف تیونس مسٹر برہان ایل کمال سے ملاقات ہوئی ، جس میں گوجرانوالہ کی صنعتی مصنوعات اور دونوں ممالک کے مابین تجارت کے فروغ کے حوالے سے تفصیلی گفتگو ہوئی ، چیئرمین گوجرانوالہ بزنس سنٹر احمد اکرام لون نے ایمبسیڈر آف تیونس کو گوجرانوالہ بزنس سنٹر کے حوالے سے بریفنگ دی انہوں نے بتایا کہ گوجرانوالہ بزنس سنٹر میں میڈان گوجرانوالہ انکلوئیر کا انعقاد کیا جا رہا ہے جس میں گوجرانوالہ کی تمام بڑی صنعتوں کو نمائش کیلئے پیش کیا جائے گا، ملاقات کے دوران تیونس کے ایمبسیڈر نے چیئرمین جی بی سی احمد اکرام لون کو وفد کے ہمراہ تیونس آنے کی دعوت دی ، وفد میں خالد منہاس،خواجہ شارق کلیم، سید واجد علی نقوی ، شہروز رشید ، حبیب اللہ چوھدری ، قیصر سلیم اور اسامہ امجد بھی انکے ہمراہ تھے۔