2 رکنی ہاشم موٹر سائیکل چور گینگ گرفتار 

لاہور(نامہ نگار) ڈیفنس بی پولیس نے موٹرسائیکل چوری کی وارداتوں میں ملوث گینگ کے سرغنہ ہاشم اور اس کے ساتھی علی حسن کو گرفتار کرکے ملزمان سے 2 موٹر سائیکلیں، 3 موبائل فون، ہزاروں روپے نقدی، ماسٹر چابیاں، پستول اور گولیاں برآمدکر لی ہیں۔ پولیس کا کہنا ہے کہ برآمد شدہ موٹرسائیکلیں پولیس کو مختلف مقدمات میں مطلوب ہیں جبکہ دوران تفتیش ملزمان نے پارکنگ اور بغیر لاک کے کھڑی موٹر سائیکلیں چوری کر نے کا اعتراف کیا ہے۔