قصور‘ سرگودھا (نمائندہ نوائے وقت‘ نمائندہ خصوصی) ٹریفک حادثات میں 4 بچے جاں بحق ہو گئے۔ محمد سرور اپنی بیوی اور دو بچوں کے ساتھ اپنے گھر کو جا رہے تھے کہ سامنے سے آتے ہوئے تیز رفتار 125 موٹرسائیکل نے ٹکر مار دی جس کے نتیجہ میں 10 سالہ بیٹا کامران اور 8 سالہ بیٹی ہیرا فاطمہ دونوں موقع پر ہی جاں بحق ہوگئے جبکہ محمد سرور اور اس کی بیوی دونوں زخمی ہو گئے۔ سرگودھا سے نمائندہ خصوصی کے مطابق سرگودھا میں دوموٹرسائیکلوں کے تصادم میں بہن بھائی جاں بحق اور باپ شدید زخمی ہو گیا۔ باپ کو تشویشناک حالت میں سرگودھا ریفر کر دیا گیا۔ ذرائع کے مطابق سرگودھا لاہور روڈ پر مڈھ رانجھا رورل ہیلتھ سنٹر کے قریب موٹرسائیکلوں کے تصادم میں موضع رام دیانہ کا موٹرسائیکل سوار اللہ بخش شدید زخمی اور اس کے بچے 10 سالہ ہانیہ بی بی اور 8 سالہ عبداللہ جاں بحق ہوگئے۔
بچے جاں بحق