عالمی پیداوار  میں کمی کے خدشات پر عالمی منڈی میں خام تیل کی قیمتیں گرگئی ہیں۔رپورٹ کے مطابق برطانوی خام تیل برینٹ کروڈ  آئل  اور  امریکی خام تیل ویسٹ ٹیکساس انٹرمیڈیٹ کی قیمتوں میں 1 فیصد سے زائدکی کمی دیکھی گئی ہے۔ٹریڈنگ کے دوران برطانوی خام تیل 75 ڈالر اور امریکی خام تیل 70 ڈالر فی بیرل پر آگیا ہے۔عالمی منڈی میں خام تیل کی قیمتوں میں کمی سے  سعودی عرب اور روس کی جانب سے قیمتوں میں اضافے کے لیے تیل کی پیداوار میں کٹوتی کا فیصلہ رائیگاں چلا گیا۔یاد رہے کہ سعودی وزارت توانائی نے خام تیل کی یومیہ پیداوار میں 10 لاکھ بیرل کی رضاکارانہ کمی میں مزید ایک ماہ کی توسیع کرتے ہوئے اعلان کیا تھا ۔اگست کے آخر تک پیداوار میں کمی جاری رہےگی۔گزشتہ ماہ تیل پیدا کرنے والے ممالک کی تنظیم اوپیک پلس کے 35 ویں اجلاس میں پیداواری کوٹےکے حوالے سے رضاکارانہ کمی پر اتفاق کیا گیا تھا۔ ماہرین کا کہنا ہےکہ یوکرین پر روسی فوجی حملے کے بعد تیل پیدا کرنے والے ممالک قیمتوں میں کمی اور  مارکیٹ میں غیر یقینی صورت حال سے دوچار ہیں اس لیے وہ پیداوار میں کمی کے ذریعے تیل کی قیمتوں میں اضافہ چاہتے ہیں۔