شیخوپورہ(نمائندہ نوائے وقت) تھانہ صدر شیخوپورہ کے علاقہ کرلکے مینارہ میں مخالفین کی اٹلی پلٹ نوجوان اور اسکے ملازمین پر فائرنگ سے ایک شخص زخمی ہوگیا، بتایا گیا ہے کہ اٹلی پلٹ نوجوان شاہد کرلکے مینارہ میں واقع اپنی زرعی اراضی پر فصل کی بوائی کیلئے ٹریکٹر ڈرائیور عارف و دیگر ساتھیوں کے ہمراہ گیا تو ملزم عادل، راشد اور رحمان وغیرہ نے ان کا گھیراؤ کرکے فائرنگ کردی جس کی زد میں آکر عارف شدید زخمی ہوگیا ۔زخمی کو ڈی ایچ کیو ہسپتال منتقل کردیا گیا ۔ پولیس نے موقع پر پہنچ کرکارروائی شروع کردی ہے، واضح رہے کہ اوورسیز پاکستانی شاہد علی کی فیملی کا ملزموں سے دو کنال اراضی کا تنازعہ چل رہا ہے، اٹلی پلٹ نوجوان شاہد نے وزیر اعلیٰ ‘ آئی جی پنجاب پولیس سے ملزموں کی گرفتاری اور اپنی فیملی کو تحفظ فراہم کرنے کا مطالبہ کیا ہے۔