لاہور(لیڈی رپورٹر) غزالی ایجوکیشن فاؤنڈیشن کی دعوت پر یونیسیف کے پنجاب میں ایجوکیشن منیجر کامران افتخار لون نے غزالی ہیڈ آفس کا دورہ کیا اور ایگزیکٹو ڈائریکٹر سید عامر جعفری سے ملاقات کی۔ سید عامر جعفری نے اس دورہ کا انعقاد کرنے پر میشا شفیع اور زینب منظور کی کوششوں کو سراہا اور ان کی حوصلہ افزائی کی۔ اس موقع پر بیشتر تعلیمی امور زیر بحث آنے کیساتھ ساتھ آؤٹ آف سکول بچوں کے چیلنج سے نبٹنے، ٹیچر ٹریننگ اور طلبہ کو تعلیمی سہولیات کی مزید بہتر انداز میں فراہمی سمیت دیگر متعلقہ امور پر گفتگو کی گئی۔