جوبائیڈن نے صدارتی مباحثے میں  خراب کارکردگی کا اعتراف کر لیا

واشنگٹن(این این آئی)امریکی صدر جو بائیڈن نے اس بات کا اعتراف کیا ہے کہ جمعرات کو ہونے والے صدارتی مباحثے کے دوران ان کی کارکردگی اچھی نہیں تھی جس کی وجہ انہوں نے جون کے اوائل میں2 غیر ملکی دوروں کے باعث نیند میں خلل کو قرار دیا۔عرب ٹی وی کے مطابق گزشتہ شام امریکی ریاست ورجینیا کے شہر میک لین میں انتخابی مہم کے سلسلے میں منعقدہ ایک تقریب سے خطاب میں جو بائیڈن نے اعتراف کیا۔