سپلائی جاری رہے گی‘ آئل ٹینکرز ایسوسی ایشن نے ہڑتال کی مخالفت کردی 

کراچی (سٹاف رپورٹر) آئل ٹینکرز ایسوسی ایشن نے 5جولائی کو ملک بھر میں پیٹرول پمپس بند کرنے کا اعلان کی مخالفت کرتے ہوئے کہا پیٹرول اورڈیزل کی سپلائی جاری رہے گی۔تفصیلات کے مطابق چیئرمین آل پاکستان ٹینکر اونر ایسوسی ایشن شمس شاہوانی نے اپنے بیان میں کہا کہ ملک بھر میں5جولائی کو پیٹرول اورڈیزل کی سپلائی جاری رہے گی۔ملک کے مشکل ترین حالات میں ہڑتال کاسوچ نہیں سکتے، معاشی مشکلات میں اداروں کیساتھ ہیں۔آئل ٹینکرز نے مطالبہ کیا کہ سپلائی کیلئے آئل ٹینکر اونرز کوسیکیورٹی فراہم کی جائے۔پاکستان پیٹرولیم ڈیلرز ایسوسی ایشن نے آج  ملک بھر میں پمپس بند کرنے کا اعلان کیا ہے ۔