لدھیوالہ وڑائچ(نمائندہ نوائے وقت) محلہ نئی آبادی میں پندرہ سال قبل کھیلوں کی سرگرمیوں کے لئے کروڑ وں روپے کی لاگت سے تعمیر گیا  سٹیڈیم مناسب دیکھ بھال نہ ہو نے مسائل کا شکار ،سٹیڈیم کی دیواریں جگہ جگہ سے ٹوٹ چکی ہیں اور لوگ اینٹیں اٹھا کر لے گئے ہیں اس کے علاوہ کوڑے کے ڈھیروں سے تعفن اور بدبو پھیل رہی ہے ۔سٹیڈیم میں منشیات فروشوں اور نئشیوں نے ڈیرے ڈال رکھے ہیں جس کی وجہ سے پنجاب بھر میں کبڈی کے بڑے بڑے ٹائٹل جیتنے والی لدھیوالہ وڑائچ کی کبڈی ٹیم پریکٹس کرنے سے محروم ہو چکی ہے۔اس حوالے کے پاکستان کبڈی ایسوسی ایشن پنجاب کے نائب صدر چوہدری عطا الرحمن وڑائچ نے صوبائی وزیر کھیل سے اپیل کی ہے کے لدھیوالہ وارائچ کے اسٹیڈیم کو اپ گریڈ کر کے کھیلوں کی سرگرمیوں کے لئے بحال کیا جائے۔