اسلام آباد : فیڈرل بورڈ آف ریونیو (ایف بی آر) میں درجنوں اعلیٰ افسران کو عہدوں سے فارغ کردیا گیا اور خدمات ایف بی آر ایڈمن پول کے سپرد کردیں۔
تفصیلات کے مطابق وزیراعظم کی ہدایت پرفیڈرل بورڈ آف ریونیو (ایف بی آر) میں درجنوں اعلیٰ افسران کو عہدوں سے ہٹادیا گیا۔ذرائع نے بتایا کہ گریڈ 20 کے27افسران عہدوں سے فارغ کیا گیا اور خدمات ایف بی آرایڈمن پول کے سپرد کردی گئیں۔ذرائع کا کہنا تھا کہ افسران کو انٹیلی جنس رپورٹس کی بنیاد پرعہدوں سے ہٹایا گیا اور ان لینڈ ریونیوسروس گریڈ 20کے 16،کسٹمز گروپ گریڈ 20 کے 11 افسران عہدوں سے فارغ کیا گیا ہے۔وزیر اعظم کی منظوری کے بعد ایف بی آر میں افسران کو عہدوں سے ہٹانے کا نوٹیفکیشن جاری کردیا گیا ہے۔نوٹیفکیشن میں بتایا کہ پاکستان کسٹمز گریڈ 20 کے کلکٹر اپیل اسلام آباد ڈاکٹر اختر حسین ، محمد عدنان اکرام ڈائریکٹر ٹرانزٹ ٹریڈ لاہور اور ارم مقبول عامر ڈی جی لا اینڈ پراسیکیوشن کو عہدے سے ہٹا دیا گیا۔
اس کےعلاوہ نوید اقبال ڈائریکٹر ٹرانزٹ ٹریڈ گوادر ، احسن خان کلکٹر کوئٹہ ، رضا خان کلکٹر ایڈجیوڈیکیشن کراچی ، امبرین تارڑ اور عامررشید شیخ عہدے سے فارغ ہونے والوں میں شامل ہیں۔گریڈ 20 کےکمشنرز ظہور احمد،قاضی افضل ، نصیر جنجوعہ ، کمشنرز محمد عابد ، حمیرا مریم اور نوید اختر ، گریڈ 20 کے کمشنرز فضلی ملک ، نوشیروان خان، رضی الرحمان ، اصم خٹک ، خالد قریشی ، محمد علی ، نعیم بابر ، ذوالقرنین بھی عہدوں سے فارغ کئے جانے والے افسران میں شامل ہیں۔
