پیرس ( اے ایف پی ) سوٹیلانا کوزنٹسوا‘ سمانتھا سٹوسر اور راجر فیڈرر فرنچ اوپن ٹینس ٹورنامنٹ کے سیمی فائنل میں پہنچ گئے۔ پیرس میں جاری ٹورنامنٹ کے 11ویں روز 7 سیڈ سوٹلانا کوزنٹسووا نے فرنچ اوپن کے کوارٹر فائنل میں کامیابی حاصل کر کے سرینا ولیمز کی دوسرا گرینڈ سلام جیتنے کے خواب چکناچور کر دئیے ہیں۔ روسی سٹار کوزنٹسووا نے سرینا کو 5-7, 7-5, (3-7)6-7 سے ہرا کر سیمی فائنل میں جگہ بنائی۔ آج خواتین کے پہلے سیمی فائنل میں ٹاپ سیڈ دیناراسفینہ کا مقابلہ ڈومینیکا سبلکووا سے ہو گا۔ راجر فیڈرر نے گرینڈ سلام ٹائٹلز کا سیٹ مکمل کرنے کی جانب پیشقدمی جاری رکھتے ہوئے گیل مونفلز کو شکست دے کر فرنچ اوپن سیمی فائنل کیلئے کوالیفائی کر لیا ہے۔