دو ٹیسٹ میچوں کی سیریز میں میزبان انگلینڈ کو ایک صفر سے برتری حاصل ہے۔ مانچسٹر کے اولڈ ٹریفورڈ گراؤنڈ میں کھیلے جانے دوسرے ٹیسٹ کے لیے انگلینڈ کی ٹیم میں زخمی ٹِم بریسنن کی جگہ نوجوان اجمل شہزاد کو شامل کیے جانے کا امکان ہے۔ دوسری جانب بنگلہ دیشی ٹیم دو سپنرز کے ساتھ میدان میں اترے گی۔ بنگلہ دیش کی ٹیم میں سپنر عبدالرزاق کو شفیع السلام کے ساتھ شامل کیے جانے کا امکان ہے۔ ادھر اوپنر تمیم اقبال کی پریکٹس سیشن کے دوران زخمی کی اطلاع ہے، تاہم کپتان شکیب الحسن کا کہنا ہے کہ تمیم اقبال کی انجری سنگین نوعیت کی نہیں اور وہ فٹ ہو کر آج کے میچ کے لیے ٹیم کا حصہ ہوں گے۔