سٹی ٹریفک پولیس نے دوستانہ میچ میں علیم ڈار اکیڈمی کو 5 رنز سے ہرا دیا

لاہور (سپورٹس رپورٹر) سٹی ٹریفک پولیس نے علیم ڈار اکیڈمی کو دوستانہ میچ میں سنسنی خیز مقابلے کے بعد 5 رنز سے ہرا دیا۔ سٹی ٹریفک پولیس نے سلیم جٹ کی شاندار سنچری کی بدولت 213 رنز بنائے۔ انہوں نے 12 چوکوں اور تین چھکوں کی مدد سے 102 رنز بنائے۔ علیم ڈار اکیڈمی ٹیم 208 رنز بنا سکی۔ علی ڈار نے 80 نمایاں رنز بنائے۔ افضل رانجھا اور سلیم جٹ نے تین تین کھلاڑیوں کو آؤٹ کیا۔ سلیم جٹ کو میچ کا بہترین کھلاڑی قرار دیا گیا۔