لاہور(نمائندہ سپورٹس+سپورٹس رپورٹر) محمد حفیظ نے بھی سکلز کیمپ میں بیٹنگ شروع کر دی ہے۔ قذافی سٹڈیم لاہورمیں دورہ انگلینڈ کے لئے لگے سکلز کیمپ کے دوران سلیکٹرز مشاورت کرتے رہے ‘ اہم میٹنگ میں سابق باؤلنگ کوچ مشتاق احمد بھی شریک تھے۔ پاکستان کرکٹ کے لئے اچھی خبر یہ ہے کہ محمد حفیظ اِن ایکشن ہونے لگے ہیں۔ جمعرات کو انجری کا شکار پروفیسر کو بیٹنگ کرتے ہوئے انضمام الحق نے گہری دلچسپی سے دیکھا۔