ایک کروڑسے زائد وارداتیں گارڈ کی فائرنگ سے ڈاکوہلاک راہگیرزخمی

لاہور + فیروزوالا (نامہ نگاران) لاہور میں ایک کروڑ سے زائد کی وارداتیں، گارڈ کی فائرنگ سے ڈاکو ہلاک، راہگیر زخمی ہو گیا جبکہ ٹائون شپ میں سکیورٹی گارڈکی فائرنگ سے ایک ڈاکوہلاک اور راہگیر زخمی ہوگیا ہے۔محمدعلی چوک پرواقع الیکٹرونکس کی دکان انعام کارپوریشن میں4 ڈاکو داخل ہوئے انہوں نے گن پوائنٹ پر سب کو یرغمال بنا کر لوٹ مار شروع کی اس دوران سکیورٹی گارڈ نے مزاحمت کی تو ڈاکوئوں نے فائرنگ کر دی۔ گارڈ کی جوابی فائرنگ سے ایک ڈاکو ہلا ک اورایک راہگیر زخمی ہو گیا جبکہ تین ڈاکو فر ار ہونے میں کامیاب ہو گئے۔ چوروں نے ڈیفنس بی میں عمر احمد کے گھر سے 50لاکھ روپے، ارسلان سے 20لاکھ ، ادریس سے 11لاکھ ‘ جوادسے 18لاکھ روپے مالیت کی نقدی، زیورات و دیگر سامان چوری کر لیا ہے ۔ کاہنہ میں ایک خاتون ڈاکو نے ساتھی کے ہمراہ عباس کی دکان سے 17لاکھ روپے ‘ زوہیب سے 2لاکھ روپے،عمران سے 90ہزارروپے اور موبائل، شاہدرہ میں نوید سے 80ہزار اور موبائل، کاہنہ میں اعظم سے 80ہزار اور موبائل، اقرارسے 60ہزار اور موبائل، نعمان سے 53ہزار اور موبائل، شاہد سے 52ہزار اور موبائل، حمزہ سے 50ہزار اور موبائل، شاہد سے 35ہزار اور موبائل، بشیر سے 6ہزار اور موبائل فون لوٹ لیاہے۔ چور 5گھروں سے پانی کی موٹریں اتار کر فرار ہو گئے ہیں۔ چوروں نے مغل پورہ سے اکرام،غازی آباد سے طاہرکی گاڑیاں جبکہ لٹن روڈ میں سے عمر، نواں کوٹ میں عامر،اقبال ٹائون میں بشیر،چوہنگ میں سجاد،جوہرٹائون میں رحمن،ٹائون شپ میں اقبال،گرین ٹائون میں شان،غازی آباد میں اسامہ،فیکٹری ایریا میں علی،گارڈن ٹائون میں ضیا،کاہنہ میں شکر اللہ،اسلام پو رہ میں سے عابد کی موٹرسائیکلیں چوری کر لی ہیں۔ علاوہ ازیں لاہور روڈ پر بتی چوک کے قریب ڈاکوئوں نے شکور سے نقدی، موبائل چھین لئے۔ چوروں نے صدام حسین، اعجاز احمد، اصغر، محمد غلام کی موٹر سائیکلیں اور سدیر احمد کا ٹرک چوری کرلیا فرار ہو گئے۔ ڈاکوئوں نے موٹر سائیکل سواروں کوروک کر لوٹ لیا۔ نقدی، موبائل چھین کر فرار ہو گئے۔