فٹبال دوستانہ میچز ‘ برازیل ‘میکسیکو ہونڈراس‘یوکرین نے حریف ٹیموں کوہرادیا

لاہور (سپورٹس ڈیسک) انٹرنیشنل دوستانہ فٹ بال میچوں میں برازیل ‘میکسیکو ‘ہونڈراس اور یوکرین نے حریف ٹیموں کو شکست دیدی ۔ میکسیکو نے سخت مقابلے کے بعد حریف سکاٹ لینڈ کو صفر کے مقابلے میں ایک گول سے شکست دی ۔ سابق عالمی چیمپئن برازیل نے کروشیا کے خلاف دو صفر سے کامیابی سمیٹی‘برازیل کی طرف سے نیمار نے گول کیا ۔ ہونڈراس نے ایل سلواڈور کو ایک صفر سے زیر کیا ۔ یوکرین نے یکطرفہ مقابلے کے بعد البانیہ کو چار ایک گول سے ہرا دیا ۔ کیپ ورڈز اوراینڈورا کے درمیان میچ بغیر کسی گول کے برابری پر ختم ہوا۔