لندن (سپورٹس ڈیسک)آسٹریلیا کے فاسٹ باؤلر نیتھن کوٹرنائل ویسٹ انڈیز کے خلاف جارحانہ مزاج کھیل پیش کرنے کا عندیہ دیتے ہوئے کہا ہے کہ وہ ویسٹ انڈیز کے خلاف اسی طرح باؤنسرز کا استعمال کریں گے جیسا انہوں نے پاکستان کے خلاف کیا۔خیال رہے کہ ویسٹ انڈیز نے اوشین تھومس کی شاندار باؤلنگ کی بدولت پاکستان کو 105 رنز پر آل آؤٹ کردیا تھا، اور میچ میں 3 وکٹوں سے کامیابی حاصل کرلی تھی۔اس کے علاوہ اپنے پہلے میچ میں آسٹریلیا نے بھی افغانستان کے خلاف 7 وکٹوں سے کامیابی حاصل کرلی تھی اور اب اس کا ویسٹ انڈیز سے مقابلہ ہے۔کوٹر نائل کا کہنا تھا کہ آپ کو ویسٹ انڈیز کو باؤنسرز دینی ہوں گی ورنہ وہ فرنٹ فٹ پر آکر آپ کی درگت بنادیں گے اور میدان میں ہر جگہ شاٹ کھیلیں گے۔ان کا کہنا تھا کہ ہم انہیں باؤنسرز دیں گے، بلکہ ہر ٹیم کو دیں گے، آپ کو اپنی ہر اوور میں 2 باؤنسرز کو استعمال کرنا ہے۔آسٹریلین فاسٹ باؤلر کا کہنا تھا کہ انگلینڈ کے میدان چھوٹے ہیں، وکٹیں بھی بیٹنگ کے لیے ساز گار ہیں، تاہم جتنا ہوسکے باؤنسرز کا استعمال کیا جائے۔واضح رہے کہ گزشہ میچز میں دیکھا گیا ہے کہ باؤنسرز باؤلرز کے لیے بہت ساز گار رہی ہیں، جبکہ ویسٹ انڈیز کے آل راؤنڈرز آندرے رسل کا کہنا تھا کہ وہ آسٹریلیا کے خلاف بھی اسی حکمت عملی سے کھیلیں گے جیسی انہوں نے پاکستان کے خلاف اپنائی تھی۔