راولپنڈی (اپنے سٹاف رپورٹر سے) نیو اسلام آباد انٹرنیشنل ایئرپورٹ پر شدید بارش اور تیز ہواکے باعث ایک چھوٹا طیارہ الٹ گیا جس سے طیارے کے پر کو نقصان پہنچا ایئرپورٹ پر تیز ہوا سے ایک دروازہ اور دو کھڑکیاں بھی ٹوٹ گئیں اور شدید بارش سے امیگریشن ہال کی چھتیں ٹپکتی رہیں کمپیوٹر و دیگر قیمتی سامان کو نقصان پہنچنے کا اندیشہ ہے ایئرپورٹ بلڈنگ کی کچھ جگہوں سے چھت کی سیلنگ بھی ٹوٹ کر گر گئی ایئرپورٹ انتظامیہ نے بارش کے بعد ایئرپورٹ بلڈنگ، ہینگرز اور رن وے کا تفصیلی جائزہ لیا، نقصانات کا اندازہ بھی لگایا جا رہا ہے۔