سید والا: مہندی کی تقریب میں منچلوں کی فائرنگ‘ ایک شخص زخمی

سید والا(نامہ نگار)مہندی کی تقریب میں منچلوں کی فائرنگ،گولی لگنے سے ایک شخص شدید زخمی ہو گیا۔ تفصیلات کے مطابق نواحی گاؤں پنڈی چیری کے رہائشی زمیندار خاور کی رسم حنا کی تقریب میں گزشتہ رات متعددمنچلوں نے فائرنگ کرنا شروع کر دی جس سے ایک شخص رجب علی گولی لگنے سے شدید زخمی ہو گیا۔ زخمی کو دیہی مرکز صحت سیدوالا پہنچایا گیا تشویشناک حالت کے پیش نظر ڈسٹرکٹ ہسپتال ننکانہ منتقل کر دیا گیا۔