کراچی(اسپورٹس رپورٹر)سپین اور پرتگال کی ٹیموں کے درمیان یوئیفا نیشنز لیگ کا افتتاحی میچ بغیر نتیجے کے ختم ہوگیا، دونوں ٹیموں کے درمیان میچ 1-1 گول سے برابر رہا۔ سپین اور پرتگال کی ٹیمیں اپنے گروپ اے ٹو میں اپنے ابتدائی میچ کیلئے سٹیڈیوبینیٹو ولمارین، سپین میں آمنے سامنے تھیں جس میں میزبان ٹیم کے الوارو موراتا نے میچ کے25 ویں منٹ میں گول کر کے اپنی ٹیم کو برتری دلائی جو میچ کے ہاف تک برقرار رہی ، پہلے ہاف کے بعد پرتگال کی ٹیم نے قدرے بہتر کھیل پیش کیا اور پرتگال کے ریکارڈو ہورٹا نے میچ ختم ہونے سے قبل 82 ویں منٹ میں گول کر کے مقابلہ 1-1 سے برابر کر دیا جو کھیل ختم ہونے تک برقرار رہا۔ انگلینڈ سے تعلق رکھنے والے مائیکل اولیورنے میچ ریفری کے فرائض سرانجام دیئے ۔