لارڈز ٹیسٹ:  پہلی اننگزمیںانگلینڈ 141رنز پر ڈھیر

کراچی(اسپورٹس رپورٹر)لارڈز ٹیسٹ میں بولرز کا راج برقرار ہے،نیوزی لینڈ کی پہلی اننگز 132رنز کے جواب میں انگلینڈ ٹیم اپنی پہلی اننگز میں 141رنز پر ڈھیر ہوگئی۔انگلینڈ کے8کھلاڑی ڈبل فیگر اننگز بھی  نہ کھیل سکے۔زاک کرولی 43، ایلکس لیس 25اور جو روٹ 11رنز بناسکے۔نیوزی لینڈ کی جانب سے ٹم ساتھی نے 4، ٹرینٹ بولٹ نے 3کائل جیمیسن نے 2اور کولن ڈی گرینڈہوم نے ایک وکٹ حاصل کی۔سٹورٹ براڈ 9، میٹ پارکنسن8، اولی پوپ اور بین فوکس 7،7، جونی بیئر سٹو اور کپتان بین سٹوکس ایک ایک جبکہ میتھیو پوٹس بغیر کوئی رن بنائے آئوٹ ہوئے۔جیمز اینڈرسن 7رنز بناکر ناٹ آئوٹ رہے۔ نیوزی لینڈ ٹیم پہلی اننگز میں 132رنز پر ڈھیر ہوگئی تھی۔ نیوزی لینڈنے دوسری اننگز میں چار وکٹوں پر 128رنز بناکر مجموعی طور پر 119رنز کی برتری حاصل کرلی ہے ۔