قصور: کوئلے سے بھرے ٹرک میں اچانک آگ بھڑک اٹھی

قصور (نمائندہ نوائے وقت) قصور کے نواح چونیاں میں گرمی کا پارہ ہائی ہونے سے کوئلے سے بھرے ٹرک میں اچانک آگ بھڑک اٹھی، لاکھوں روپے مالیت کا گیسی کوئلہ جل کر خاکستر ہو گیا۔ قصور کے نواح چونیاں چھانگا مانگا جمبر روڈ پرگیسی کوئلے سے بھر ے ٹرک میں اچانک آگ بھڑک اٹھی، آگ لگنے سے ٹرک میں پڑا لاکھوں روپے کا گیسی کوئلہ جل کر خاکستر ہوگیا ۔
تاہم کسی بھی جانی نقصان کی اطلاع نہیں ہے، وقوعہ کی اطلاع پرریسکیو 1122 کا عملہ موقع پر پہنچا اور آگ پر قابو پالیا گیا۔ پولیس مصروف کارروائی ہے۔