گوجرانوالہ (نمائندہ خصوصی ) دیرینہ دشمنی پر ملزمان نے فائرنگ کرکے نوجوان کو موت کے گھاٹ اتار دیا، پولیس نے مقتول کی نعش ہسپتال منتقل کرکے ملزمان کی تلاش شروع کردی ، بتایا گیا ہے کہ پشاور کے رہائشی سعید کو نرسری چوک میں موٹر سائیکل سوار نامعلوم ملزمان نے فائرنگ کرکے موت کے گھاٹ اتار دیا اور موقع سے فرار ہو گئے ،جبکہ اس بارے علم ہونے پر تھانہ سیٹلائٹ ٹائون پولیس بھی موقع پر پہنچ گئی ، مقتول کی نعش کو ضروری کاروائی کیلئے ڈسٹرکٹ ہسپتال منتقل کر دیا ۔ادھر معلوم ہوا ہے کہ مقتول اور ملزمان کی دیرینہ دشمنی چلی آرہی تھی ، پولیس نے جائے وقعہ سے شواہد اکٹھے کرکے ملزمان کی تلاش شروع کر دی ہے ۔