گوجرانوالہ(نمائندہ خصوصی )پی ایچ اے کی جانب سے شہر کی خوبصورتی میں اضافہ کیلئے نت نئے آئیڈیاز پر کام جاری ہے،شہر کی اہم شاہراہوں کے اطراف بنے گرین بیلٹس اور پارکوں کی تزئین و آرائش کاکام تیزی سے مکمل کیا جار ہا ہے۔تاکہ سیروتفریح کیلئے آنیوالی فیملیز کیلئے دلچسپی کے مزید مواقع میسر رہیںان خیالات کا اظہار ڈائریکٹر جنرل پی ایچ اے شاہد عباس جوتہ نے گلشن اقبال پارک کے داخلی راستے کے سامنے نئے بنائے جانیوالے خوبصورت فاؤنٹین کی تعمیر کا جائزہ لینے کے موقع پر کیااُن کا کہنا تھا کہ شہر کی خوبصورتی میں اضافہ کیلئے کمشنر اور ڈپٹی کمشنر کی سرپرستی میں پبلک پرائیویٹ پارٹنرشپ کے تحت ترقیاتی و بحالی کے کاموں کو تیزی سے مکمل کیا جارہا ہے ،انہوںنے کہا کہ نگار چوک آبشار کی تزئین وآرائش بھی مکمل کر دی گئی ہے ۔
جس کا عنقریب افتتاح کیا جائے گا۔ کنگنی والا بائپاس چوک میں خوبصورت مانومنٹ کی تعمیر،چندا قلعہ چوک کی تزئین و آرائش ،جبکہ چوک میں موجود خوبصورت فاؤنٹین کو بھی بحال کیا جا رہا ہے۔