کراچی :گیارہویں جماعت کا ریاضی کا پرچہ آئوٹ

کراچی کے اعلیٰ ثانوی تعلیمی بورڈ کے تحت انٹر میڈیٹ امتحانات کے تیسرے روز گیارہویں جماعت کا ریاضی کا پرچہ مقررہ وقت سے 20منٹ قبل آئوٹ ہو گیا، پرچہ مختلف سوشل میڈیا گروپس پر آئوٹ ہو کر وائرل ہوا ہے۔چیئرمین انٹر بورڈ نسیم میمن نے کہا کہ تمام امتحانی مراکز پر دفعہ 144نافذ ہے، امتحانی مراکز کے اطراف فوٹو سٹیٹ کی مشینیں دورانِ امتحان بند رہیں گی۔چیئرمین انٹر بورڈ نسیم میمن نے بتایا کہ امتحانات میں طلبا کی جانب سے موبائل فون لانے پر ضبط کر لیا جائے گا۔واضح رہے کہ گزشتہ روز بھی صبح کے اوقات میں لیا جانے والا بارہویں جماعت کا کیمسٹری کا پرچہ شروع ہونے سے قبل سوشل میڈیا پر آوٹ ہونے کے بعد وائرل ہو گیا تھا۔