راولپنڈی(جنرل رپورٹر)کنٹونمنٹ بورڈ چکلالہ کے علاقوں ٹاہلی موہری رحیم آباد، چکلالہ سکیم تھری، ڈھوک چراغ دیں، مریڑ حسن، 22نمبر چونگی ہارلے سٹریٹ روڈ، تلسہ، جھاورا اور غوثیہ چوک میں تجاوزات کے خلاف آ پریشن کے دوران ریڑھیاں، خوانچے، ٹھئے اور ریڑھے قبضے میں لے لئے گئے عملے نے 5ٹرکوںمیں ضبط شدہ شدہ سامان لوڈ کرکے گودام میں پہنچا دیا، انچارج شعبہ تجاوزات فیصل خان نے بتایا کہ تجاوزات کے خلاف آ پریشن سٹیشن کمانڈر اور چیف ایگزیکٹو آفسیر کی ہدایات پر کیا گیا، 5ٹرکوں میں سامان لوڈ کرکے گودام لے آئے اور ان کے خلاف قانونی کارروائی شروع کر دی گئی ہے، ان علاقوں میں تمام دوکانداروں اور ہوٹل والوں کو سخت تنبیہ کی گئی ہے کہ وہ اپنی اپنی دوکانوں کے سامنے تجاوزات نہ ہونے دیں اگر ایسا ہوا تو ان کے خلاف کارروائی عمل میں لائی جائے گی۔