راولپنڈی(اپنے سٹاف رپورٹرسے )مساجد اللہ کے گھر اور اسلام کے قلعے ہیں۔مساجد کی تعمیر، خدمت اور نمازیوں کو سہولت فراہم کرنا ہم سب کا فرض ہے۔ ان خیالات کا اظہار ممبر کینٹ بورڈ حاجی ظفر اقبال نے قائد اعظم کالونی میں اپنی مدد آپ کے تحت جامع مسجد ریاض الجنت کی گلی کی تعمیر،واٹر سپلائی اور سولر سسٹم تنصیب کی افتتاحی تقریب سے خطاب کرتے ہوئے کیا ۔ تقریب میں علما ء کرام،مسجد کمیٹی اور معززین علاقہ کی کثیر تعداد نے شرکت کی۔حاجی ظفر اقبال نے کہا ہے کہ مسجد کی گلی تعمیر،واٹر سپلائی  اور سولر سسٹم کی تنصیب دیرینہ مطالبہ تھا جامع مسجد الجنت کے خطیب اور دیگر  نے اپنے خطاب میں حاجی ظفر اقبال کا شکریہ ادا کرتے ہوئے کہا کہ علاقہ کے لیے انکی خدمات لائق تحسین ہیں ۔