پولیس لائن میں ڈرل انسٹرکٹرنے زیرِتربیت اہلکار کو تھپڑ ماردیا

اسلام آباد(اپنے سٹاف رپورٹر سے)پولیس لائن میں ڈرل انسٹرکٹرنے زیرِتربیت اہلکار کو تھپڑ ماردیا اس سے قبل انسٹرکٹر زیرتربیت اہلکار کو بازو سے پکڑ کر ایک طرف درخت کے نیچے لے گیا اس صورتحال پر دیگر زیر تربیت اہلکار ششدر رہ گئے زیر تربیت افسر کے ساتھ ناروا سلوک پر آئی جی اسلام آباد سید علی ناصر رضوی نے نوٹس لیتے ہوئے ڈرل انسٹرکٹر اے ایس آئی حقنوازکو معطل کرکے لائن کلوزکردیاانہو ں نے کہا کہ زیرتربیت پولیس افسران کی عزت نفس کا خیال رکھنا سب پر لازم و واجب ہے یہ واضح کیا جاتا ہے کہ پولیس کی فزیکل اور تھیوریٹکل ٹریننگ بہتر سے بہتر کی جارہی ہیکسی بھی طرح سے کسی ماتحت پولیس افسر کے ساتھ ناروا سلوک ہرگز برداشت نہیں کیا جائے گازیرتربیت افسران سے امید کی جاتی ہے کہ وہ اپنی تربیت اچھے طریقے سے مکمل کریں تاکہ وہ اپنی پیشہ وارانہ ذمہ داریاں بہتر طریقے سے سرانجام دے سکیں۔