میں ایک ایماندار، پر عزم اور بہتر کام کرنے والی جمہوریت کے قیام کے لئے پر عزم ہوں:وزیراعظم

وزیراعظم شہباز شریف نے کہا ہے کہ کرپشن اور بد انتظامی کیخلاف زیرو ٹالرنس پالیسی پر عمل پیرا ہیں۔سماجی رابطے کی ویب سائٹ ایکس پر جاری بیان میں وزیراعظم شہباز شریف نے پاک پی ڈبلیو ڈی کے ادارے کو ختم کرنے کے فیصلے کا دفاع کرتے ہوئے کہا ہے کہ پاکستان پبلک ورکس ڈیپارٹمنٹ کو ختم کرنے کا فیصلہ نظام کو کھا جانے والے کینسر کو ختم کرنے کی طرف پہلا قدم ہے۔انہوں نے کہا کہ میں ایک ایماندار، پر عزم اور بہتر کام کرنے والی جمہوریت کے قیام کے لئے پر عزم ہوں، ایسی جمہوریت جو بہتر عوامی خدمت، گورننس کے معیار کو بہتر کرنے کی ضامن ہو گی۔