شیخوپورہ (نامہ نگار خصوصی) تھانہ سٹی اے ڈویژن کے علاقہ زرعی فارم کے قریب دن دیہاڑے محبت کی شادی کرنے والے نوجوان کو لڑکی کے ورثاءنے گن پوائنٹ پر اغوا کر لیا اور فرار ہو گئے۔ بتایا گیا ہے کہ اجنیانوالہ کا سلیم مسیح اپنے بھائی کے ہمراہ شہر میں کسی کام کی غرض سے آیا تھا اور جونہی وہ زرعی فارم روڈ پر پہنچے تو ملزمان عابد، اعظم وغیرہ نے انہیں شدید زدوکوب کرکے سلیم کو اغوا کرکےکیری ڈبہ میں ڈال لیا اور فرار ہو گئے۔ مغوی کے ورثاءنے خدشہ ظاہر کیا ہے ملزمان اپنی لڑکی سے شادی کرنے پر مشتعل ہوکر مغوی کو قتل کے ارادہ سے اغوا کرکے لے گئے ہیں۔ پولیس نے مقدمہ درج کر لیا ہے۔