قصور (نامہ نگار+ نمائندہ نوائے وقت) کھڈیاں کے قریب تیز رفتار ٹیوٹا ویگن گدھا گاڑی کو بچاتے ہوئے نہر میں گر گئی جس کے نتیجہ میں ڈرائیور سمیت دو افراد جاں بحق اور11افراد شدید زخمی ہو گئے جنہیں طبی امداد کیلئے ڈی ایچ کیو ہسپتال قصور پہنچا دیا گیا ہے۔ بتایا گیا ہے کہ ٹیوٹا ویگن قصور سے پتوکی کی جانب جا رہی تھی جب وہ کھڈیاں نہر کے قریب پہنچی تو اپنے آگے جانے والی گدھا گاڑی کو بچاتے ہوئے تیز رفتاری کے باعث درخت سے جا ٹکرائی اور قریب نہر میں گر گئی جس کے نتیجہ میں ڈرائیور نیاز بشیر اور ایک نامعلوم مسافر موقع پر جاں بحق ہو گئے جبکہ 11مسافر شدید زخمی ہو گئے ۔