لاہور(خصوصی نامہ نگار) تحریک انصاف نے سینئر رہنما چوہدری سرور کی سینٹ الیکشن میں کامیابی پر تحریک انصاف نے چیئرمین سیکرٹریٹ میں جشن منایا اس موقع پر چوہدری سرور، سینٹرل پنجاب کے صدر عبدالعلیم خان، اپوزیشن لیڈر محمود الرشید ، شعیب صدیقی سمیت تمام تحریک انصاف کے ارکان اسمبلی رہنما اور کارکن موجود تھے۔ این این آئی کے مطابق چوہدری محمد سرور کی کامیابی کی خوشی میں پی ٹی آئی کی جانب سے پنجاب اسمبلی کے احاطے میں بھی بھرپور جشن منایا گیا، پی ٹی آئی کے ارکان اسمبلی کارکن بھنگڑے ڈالتے ہوئے اپنی قیادت کے حق میں اور مسلم لیگ ن کے خلاف نعرے بازی کرتے رہے ، ارکان اسمبلی نے وزیراعظم عمران خان ، دیکھو دیکھو کون آیا شیر کا شکاری آیا، گو شہباز گو ، گو نواز گو کے نعرے لگائے۔
جشن