لاہور (سپورٹس رپورٹر)مسلم آباد جمخانہ کے زیر اہتمام پہلا سید مرتضیٰ شاہ ون ڈے چیلنج کرکٹ کپ کے سلسلے میں پہلے نمائشی کرکٹ میچ میں لاہور جمخانہ کرکٹ کلب نے ندیم غوری کرکٹ کلب کو 72رنز سے ہرا دیا۔ اس میچ میں لاہور جمخانہ نے 272رنز بنائے، سابق ٹیسٹ کرکٹر سلیم ملک کے بیٹے علی ملک نے 118رنز بنائے۔ دیگر کھلاڑیوں میں حیدر راجہ نے 50، وقاص نے 59رنز بنائے۔ ندیم غوری کرکٹ کلب اپنی باری میں 200رنز بناکر پوری ٹیم آئوٹ ہو گئی۔ اسامہ بھٹی نے 40، فرشاد عرفانی نے 36رنز بنائے۔ میچ کے آخر میں مہمانان گرامی سابق جسٹس ہائی کورٹ خورشید بھنڈر، عامر ابراہیم ڈائریکٹر پی ایچ اے، چوہدری مبارک علی، چوہدری یٰسین ، ندیم غوری ، اظہر محمود نے کھلاڑیوں اور آفیشلز میں انعامات تقسیم کیے۔