فیس بک نے "میسنجر” کے ڈیزائن میں بنیادی تبدیلیاں کرنے کا اعلان کیا ہے۔
میڈیا رپورٹس کے مطابق "فیس بک میسنجر” میں ڈسکور ٹیب ختم کیا جارہا ہے اور اس کی جگہ چیٹس اور پیپل کی ٹیب کا اضافہ کرکے اسے مزید سادہ اور سمجھنے میں آسان بنایا جارہا ہے۔فیس بک کے افسر جیف ہگنز نے ثبوت کے طور پر دو اسکرین عکس بھی شیئر کیے ہیں جن میں تبدیل شدہ میسنجر لے آؤٹ کی ایک جھلک دیکھی جاسکتی ہے۔ سادہ لے آؤٹ میں تمام تر توجہ آپ کی گفتگو اور چیٹ پر کی گئی ہے۔
