لاہور(سپورٹس ڈیسک )پشاور زلمی کے خلاف میچ میں کراچی کنگز کے ڈینئل کرسٹیئن نے پاکستان سپر لیگ کی تاریخ کا سب سے مہنگا اوور کروایا۔کراچی کنگز نے ٹاس جیت کر بائولنگ کا انتخاب کیا اور آخری اوورز تک پشاور زلمی کو اپنی گرفت میں رکھا مگر اننگز کے آخری اوور میں ڈینئل کرسٹیئن نے 32 رنز دے کر کنگز کے فین کو مایوس کر دیا۔ ڈینئل نے دو وائیڈ گیندیں کیں اور انہیں نوجوان عماد بٹ نے مجموعی طور پر 8 گیندوں پر4 چوکے اور 2چھکے لگا کر 32 رنز سکور کیے۔