گوجرخان (نامہ نگار)پولیس تھانہ مندرہ اور جاتلی کی منشیات فروشوں کیخلاف کارروائیاں، چارافرادکو گرفتار کر کے بھاری مقدار میں منشیات برآمد کر لی پولیس ترجمان کے مطابق پولیس تھانہ مندرہ نے دوران ناکہ بندی چکوال موڑ سے سرفراز حسین نامی شخص کو مشکوک جان کر اس کی تلاشی لی تو اس کے ہاتھ میں پکڑے گیلن سے دس لیٹر دیسی شراب برآمد ہوئی پولیس نے سرفراز حسین کیخلاف مقدمہ درج کر لیا ہے ادھر مندرہ پولیس نے دوران ناکہ بندی سروس اسٹیشن موہڑہ مندو کے قریب سے محمداقبال نامی شخص سے پانچ لیٹر دیسی شراب برآمد کر کے اس کو گرفتار کر لیا اور اس کیخلاف منشیات ایکٹ کے تحت مقدمہ درج کر لیاجبکہ مندرہ پولیس نے منشیات فروشوں کیخلاف ایک اور کارروائی میں مندوموڑ جی ٹی روڈ کے قریب سے ثمر مجید نامی شخص کو مشکوک جان کر اس کی تلاشی لی تو اس کے ہاتھ میں پکڑے کین سے دس لیٹر دیسی شراب برآمد ہوئی پولیس نے ثمر مجید کیخلاف بھی مقدمہ درج کر لیا ہے ادھرپولیس تھانہ جاتلی نے منشیات فروشوں کیخلاف کارروائی کرتے ہوئے سوہاوہ روڈ سے محبوب نامی شخص کو چرس فروخت کرتے ہوئے گرفتار کر لیا پولیس نے محبوب کے قبضہ سے 250گرام چرس برآمد کر کے اس کیخلاف منشیات ایکٹ کے تحت ایف آئی آر درج کر لی ہے۔