اسلام آباد (نمائندہ خصوصی)سینیٹ انتخابات جیتنے پر سینیٹر شیری رحمان نے  جو خود بھی سندھ سے کامیاب ہوئی ہیں  بیان میں کہا ہے کہ وہ یوسف رضا گیلانی اور پی ڈی ایم کے تمام منتخب سینیٹرز کو مبارکباد پیش کرتی ہوں، میں آصف علی زرداری، بلاول بھٹو زرداری اور فریال تالپور کی شکرگزار ہوں، میں پیپلز پارٹی کے ارکان سندھ اسمبلی کی شکر گزار ہوں جنہوں نے مجھے منتخب کیا ہے، قیادت کا مجھ پر اعتماد میرے لئے فخر کی بات ہے،  ہمیشہ کی طرح عوام، جمہوریت اور آئین کا علم اونچا رکھوں گی، میں عوامی مسائل کو اجاگر کرنے اور قانون سازی میں بھرپور حصہ لونگی، صوبے اور ملک کے مفادات کا دفاع میری اولین ترجیح ہوگی۔