لاہور(سپورٹس رپورٹر)پاکستان نمبر ون بیڈ منٹن پلیئر اولمپئین ماحور شہزاد نے کہاہے کہ وہ شادی کے بعد بھی کھیل جاری رکھیں گی، انہیں پیرس اولمپکس 
2024ء میں پاکستان کی نمائندگی کرنا ہے۔حال ہی میں منگنی ہوئی ہے ویسے بھی شادی میں ابھی وقت ہے اور جب شادی ہوگی تو میں پھر بھی کھیل جاری رکھوں گی۔ پیرس اولمپکس 2024 ء میں پاکستان کی نمائندگی کرنا ہے جبکہ اس سال کامن ویلتھ گیمز اور ایشین گیمز میں مجھے شرکت کرنا ہے اگلے برس پاکستان میں ہونے والے ساوتھ ایشین گیمز میں بہترین کرنا ٹارگٹ ہے اس کیلئے مجھے بھرپور ٹریننگ کرنا ہے کیونکہ سب بیک ٹو بیک ایونٹس ہیں میرا ٹارگٹ ہے اچھی تیاری کیساتھ ان ایونٹس میں جائوں۔ ڈیپارٹمنٹل سپورٹس بند نہیں ہونے چاہئیں اس سے کھلاڑیوں کو نقصان ہو گا کھلاڑیوں کا ایک ہی ذریعہ آمدنی ہے اس سے وہ ختم ہوجائیگا کھلاڑی جب بے روزگار ہوں گے تو کھیل کی طرف کون آئے گا۔