لاہور (کامرس رپورٹر ) درجہ دوم کے بعد درجہ اول گھی کی فی کلو قیمت میں بھی مزید 20 روپے اضافہ کردیا گیا۔ کیٹل فارمز دودھ کی قیمت میں بھی10 روپے فی لیٹر اضافہ کردیا گیا۔ گھی ڈیلرز  کے مطابق 20روپے اضافے سے درجہ اول گھی کی قیمت 470 روپے کلو فی کلوگرام تک پہنچ گئی ہے۔ درجہ اول کا 5 کلو پائوچ پیک 2250 روپے سے بڑھ کر 2 ہزار 345 روپے کا ہوگیا ہے۔ دوسری جانب ڈیری اینڈ کیٹل فارمرز ایسوسی ایشن لاہور نے دودھ کی قیمت میں 10 روپے فی لیٹر اضافہ کردیا جس سے قیمت 133 روپے تک پہنچ گئی۔ صدر لاہور ڈیری اینڈ کیٹل فارمز ایسوسی ایشن محمد خان بابر بھٹی کے مطابق مسلسل خسارے میں کام نہیں کرسکتے۔