لاڑکانہ(بیورورپورٹ) نوڈیرو شہر کے قریب بائی پاس روڈ پر روڈ کراس کرتے ہوئے تیز رفتار موٹرسائیکل کی ٹکر میں گڑھی خدابخش بھٹو کے رہائشی نوجوان سجاد بھٹو اور آصف بھٹو شدید زخمی ہوگئے جنہیں تشویش ناک حالت میں چانڈکا اسپتال کے شعبہ حادثات منتقل کردیا جہاں دوران علاج نوجوان سجاد علی بھٹو دم توڑگیا جبکہ زخمی کو طبی امداد دی گئی، اس موقع پر متوفی کے ورثہ نے بتایا کہ ہمارے نوجوان کام کے سلسلے میں روڈ کراس کررہے تھے کہ راستے میں تیز رفتار موٹرسائیکل کی ٹکر کے نتیجے میں حادثہ ہوا جس میں ایک نوجوان جاں بحق اور دوسرا زخمی ہوا ہے، دوسری جانب متوفی کی نعش ضروری کاروائی کے بعد ورثا کے حوالے کردی گئی جبکہ نعش گھر پہنچنے پر کہرام مچ گیا۔