پی پی کی مقبولیت نے حکمرانوں کی نیندیں حرام کر دیں، نتاشہ دولتانہ

بوریوالا(تحصیل رپورٹر)  پیپلز پارٹی کے چیئرمین بلاول بھٹو زرداری کے جاری لانگ مارچ میں شرکت کے لیے مقامی رہنماؤں نے تیاریاں مکمل کر لیں جنرل سیکرٹری جنوبی پنجاب نتاشہ دولتانہ اور تحصیل صدر کامران یوسف گھمن کی زیر قیادت ریلی نکالی گئی ریلی میں مقامی رہنماؤں اور کارکنان کی کثیر تعداد نے شرکت کی ریلی سے خطاب کرتے ہوئے نتاشہ دولتانہ اور کامران یوسف گھمن کا کہنا تھا کہ آج خانیوال میں قافلہ کی صورت میں عوامی مارچ میں شرکت کریں گے بے بس اور مظلوم عوام پر مہنگائی کے پہاڑ توڑے جارہے ہیں نوکریاں اور گھر سمیت کئی جھوٹے خواب دکھا کر عوام کو دو وقت کی روٹی سے بھی محروم کر دیا گیا پاکستانی عوام کو کسی کے رحم و کرم پر نہیں چھوڑ سکتے پیپلز پارٹی نے ہمیشہ اپنی جانوں کے نذرانے دے کر بھی قدم پیچھے نہیں ہٹائے سب سے پہلے عوام کا منشور ہماری رگوں میں دوڑتا ہے۔پیپلزپارٹی کی بڑھتی ہوئی مقبولیت نے حکمرانوں کی نیندیں حرام کر دیں۔
 نتاشہ دولتانہ