علی انصاری نے صبور علی کو اپنی ملکہ قرار دیدیا

 معروف اداکار علی انصاری نے اپنی اہلیہ اداکارہ صبور علی کو اپنی ملکہ قرار دیدیا۔صبورعلی نے گزشتہ روزفیملی اورشوبزساتھیوں کے ساتھ اپنی 27 ویں سالگرہ منائی۔ شادی کے بعد یہ اداکارہ کی پہلی سالگرہ تھی جسے ان کے شوہر علی انصاری نے یادگاربنادیا، علی نے انسٹاپردلکش تصاویرشیئرکرتے ہوئے لکھا سالگرہ مبارک میری ملکہ۔ اپنے خاص دن پر خاصی خوش اور پرجوش دکھائی دینے والی صبور نے انسٹااسٹوریزمیں تصاویر اور ویڈیوزشیئرکیں۔ تقریب میں کنزی ہاشمی ، سعدیہ غفار، ایمن، منال، منیب بٹ، احسن محسن، عروہ حسین اور صبور کی نند اداکارہ مریم انصاری سمیت دیگرشریک ہوئے۔