مشقوں کے دوران انسداد دہشت گردی کے مختلف آپریشنز کیے گئے
پاکستان اور سعودی عرب کی مشترکہ تربیتی فوجی مشقیں الصمصام اختتام پذیر ہو گئیں ، مشقوں کے دوران انسداد دہشت گردی کے مختلف آپریشنز کیے گئے۔ پاک فوج کے شعبہ تعلقات عامہ( آئی ایس پی آر) کے مطابق پاکستان اور سعودی عرب کی مشترکہ تربیتی فوجی مشقیں الصمصام اختتام پذیر ہوگئیں، فوجی مشقیں نیشنل کانٹر ٹیررازم سینٹر پبی میں منعقد ہوئیں۔ آئی ایس پی آر کا کہنا ہے کہ کور کمانڈر منگلا لیفٹیننٹ جنرل شاہین مظہر محمود اور سعودی زمینی فورس کے میجر جنرل عبد اللہ عید العتیبی وہاں موجود تھے۔ تقریب میں سعودی سفیر نواف سعید المالکی بھی شریک ہوئے۔ مشترکہ فوجی مشقیں دو ہفتے تک جاری رہیں، مشقوں کے دوران انسداد دہشت گردی کے مختلف آپریشنز کیے گئے۔ آئی ایس پی آر کا کہنا ہے کہ دونوں ملکوں کی الصمصام سیریز کی یہ آٹھویں مشقیں تھیں۔
پاک اور سعودی بری فوج کےمابین مشترکہ مشق" الصمصام ہشتم"اختتام پذیر
— Daily Nawa-i-Waqt (@Nawaiwaqt_) March 4, 2022
الصمصام مشقیں انسداد دہشت گردی مرکز پبی میں منعقد کی گئیں،آئی ایس پی آر#ISPR #RoyalSaudiLandForces #JointExercise #AlSamsaam8 #NationalCounterTerrorismCenterPabbi @OfficialDGISPR @KSAMOFA @PakinSaudiArab pic.twitter.com/HdnMVoxNVd
