قومی اسمبلی کی نشستوں پر ضمنی انتخابات ملتوی ، فریقین کو نوٹس : پشاور ہائیکورٹ 

پشاور (نوائے وقت رپورٹ) پشاور ہائی کورٹ نے 16 اور 19 مارچ کو قومی اسمبلی کی نشستوں پر ہونے والے ضمنی انتخابات ملتوی کرنے کا حکم جاری کرتے ہوئے  فریقین کو نوٹس جاری کردیا۔سپیکر قومی اسمبلی راجہ پرویز اشرف کی جانب سے پی ٹی آئی ارکان اسمبلی کے استعفوں کی منظوری کے خلاف اور ضمنی الیکشن ملتوی کرنے کے لیے دائر درخواستوں پر سماعت ہوئی جس میں عدالت نے پہلے سے محفوظ کیا گیا فیصلہ سنا دیا۔پشاور ہائی کورٹ نے اپنے فیصلے میں قومی اسمبلی کی نشستوں پر ضمنی انتخابات ملتوی کردیئے۔ عدالت نے 16 اور 19 مارچ کو ہونے والے ضمنی انتخابات کا الیکشن شیڈول معطل کرنے کا حکم جاری کرتے ہوئے فریقین کو نوٹس جاری کردیا۔ بعد ازاں عدالت نے سماعت 7 مارچ تک ملتوی کردی۔واضح رہے کہ خیبرپی کے کی مجموعی طور پر 24 نشستوں پر ضمنی انتخابت ہونے تھے۔