سپیریئر سپورٹس اینڈ کلچرل فیسٹیول 2023 ، گورنر پنجاب کی شرکت 

لاہور(کامرس رپورٹر) سپیریئر یونیورسٹی کے سالانہ سپورٹس اینڈ کلچرل فیسٹیول کا انعقاد کیا گیا۔ ریلوے سٹیڈیم، گڑھی شاہومیں منعقدہ فیسٹیول میں ہزاروں کی تعداد میں طلبا ءوطالبات نے شرکت کی۔ مہمانِ خصوصی گورنر پنجاب ، محمد بلیغ الرحمان نے تقریب کا افتتاح کیا۔ چیئرمین سپیریئر گروپ، پروفیسر ڈاکٹر چوہدری عبد الرحمن ، اور ریکٹر سپیریئر یونیورسٹی، پروفیسر ڈاکٹر سمیرارحمان نے مہمانوں کا استقبال کیا۔ شرکائے تقریب سے خطاب کرتے ہوئے گورنر پنجاب، محمد بلیغ الرحمان کا کہنا تھا کہ اس رنگا رنگ میلے میںملک بھر کے کلچرز کی نمائندگی اور نوجوانوں کی کھیلوں میں زبردست دلچسپی او ربہترین ٹیم ورک کے ذریعے جیت کا جنون دیکھنا انتہائی مسرت انگیز ہے۔ سپیریئر یونیورسٹی گزشتہ 2 دہائیوں سے سپورٹس اینڈ کلچرل فیسٹیول کے سالانہ انعقاد کی روایت برقرار رکھے ہوئے ہے۔ جس کا بنیادی مقصد ہم نصابی سرگرمیوں ، اور کھیلوں کے ذریعے طلبا ءوطالبات کی ذہنی و جسمانی نشوونما کو یقینی بنانا ہے۔چیئرمین سپیریئر گروپ پروفیسر ڈاکٹر چوہدری عبد الرحمن نے کہا کہ وہ گورنر پنجاب محمد بلیغ الرحمان کی تشریف آوری کے شکر گزار ہیں ۔