وقار یونس کی لاہور قلندرز کیخلاف  میچ میں سرفراز کی بیٹنگ پر کڑی تنقید

لاہور(سپورٹس رپورٹر) قومی ٹیم سابق ہیڈکوچ وقار یونس نے لاہور قلندرز کیخلاف میچ میں کوئٹہ گلیڈی ایٹرز کے کپتان سرفراز احمد کی بیٹنگ پر شدید تنقید کی اور کہا کہ لاہور قلندرز کے خلاف گلیڈی ایٹرز کو پہلے ہی کوئی خاطر خواہ آغاز نہ ملا، اسکے باوجود سرفراز احمد نے 28 گیندوں پر 27 رنز بنائے کیوں؟ اس سٹرائیک ریٹ کیساتھ تو کامیابی نہیں مل سکتی۔ چھٹے نمبر پر کھیلنے والا پلئیر کم از کم 150 سے 160 کے سٹرائیک ریٹ سے فنش کرنے کی کوشش کرتا ہے، لیکن سرفراز تو 100 کے سٹرائیک ریٹ سے کھیل رہے تھے۔